មកដឹងវិធីថែរក្សាសក់ឲ្យទន់រលាស់ដុះវែងក្រាស់ នៅផ្ទះដោយខ្លួនឯង

ពេលខ្លះគ្រាន់តែអនុវត្តវិធីងាយៗ នៅផ្ទះដោយខ្លួនឯង អ្នកនឹងបានសក់ស្អាត ទន់រលាស់ដុះវែងក្រាស់ ដោយមិនចាំបាច់ចំណាយលុយលើផលិតផលថ្លៃៗ។ 

ទឹកអង្ករ

មានមនុស្សមិនច្រើនទេ ដែលបានដឹងពីអត្ថប្រយោជន៍របស់ទឹកអង្ករ ដែលវាអាចជួយឲ្យសក់ត្រង់ និងព្យាបាលសរសៃសក់ខូចពីបញ្ហាផ្សេងៗ។

របៀបធ្វើ៖

–      ពេលលាងអង្ករត្រូវសម្រិតយកទឹករបស់វា ដើម្បីទុកលាងសក់។

–      បន្ទាប់ពីកក់សក់រួច ត្រូវយកទឹកអង្ករលាងសក់ ហើយទុកចោលប្រហែល៥នាទី សឹមលាងចេញជាមួយទឹកស្អាត។

ផ្លែបឺរ

ផ្លែបឺរសម្បូរទៅដោយអាស៊ីតខ្លាញ់ វីតាមីន និងសារធាតុរ៉ែជាច្រើនមុខ ធ្វើឲ្យសក់ទន់រលោង និងការពារមិនឲ្យសក់ជ្រុះ។

របៀបធ្វើ៖

–      កិនផ្លែបឺរឲ្យម៉ដ្ឋចំនួន១ផ្លែ លាយគ្នាជាមួយស៊ុត១គ្រាប់ (យកតែផ្នែកក្រហម) ប្រេងដូចចំនួន១ស្លាបព្រាបាយ។

–      ត្រូវទុកឲ្យសក់នៅសើមតិចៗ ហើយយកគ្រឿងផ្សំដែលលាយរួច លាបឲ្យសព្វពេញសក់ រួចទុកចោលប្រមាណ២០នាទី សឹមលាងចេញជាមួយទឹកស្អាត។

ប្រទាលកន្ទុយក្រពើ

វាមានតួនាតីផ្តល់សំណើមដល់សក់ ជាពិសេសសម្រាប់អ្នកដែលមានសក់រួញ ស្ងួត និងឆាប់ដាច់។

របៀបធ្វើ៖

–      យកប្រទាលកន្ទុយក្រពើចំនួន២ស្លាបព្រាបាយ លាយគ្នាជាមួយនឹងប្រងអូលីវចំនួន១ស្លាបព្រាបាយ ។

–      យកទៅលាបនៅលើសក់ ចាប់ផ្តើមពីផ្នែកកណ្តាលរហូតដល់ចុងសក់ និងផ្នែកជិតគល់សក់ បន្ទាប់មកទុកចោលប្រហែល៣០នាទី សឹមលាងចេញជាមួយទឹកស្អាតជាការស្រេច៕